اتوار، 23 اپریل 2023
جلگاؤں : الحمدللہ ملک بھر میں عید الفطر 2023 امن و سلامتی کے ساتھ انجام پائی ۔ عید کے اس مبارک موقعہ پر برائٹ یوتھ فاؤنڈیشن BYF کی جانب سے عید کی نماز سے آنے جانے والوں کے لیے ٹھنڈے فلٹر پانی کا انتظام کیا گیا تھا۔ ہر سال جلگاؤں شہر بقیہ شہروں سے گرمی کے معاملے میں سرِ فہرست رہتا ہے۔ اس سال چونکہ عید گرمیوں میں تھی اس لیے فاؤنڈیشن نے عوام الناس کے لیے پینے کے پانی کا انتظام کرنا طئے کیا تھا جو نہایت کامرانی و کامیابی کے ساتھ عمل میں آیا۔اس شاندار سرگرمی کو لے کر شہر میں BYF کی خوب تعریف و ستائش کی جا رہی ہے ساتھ ہی بچوں سے لے کر بزرگوں تک ہر کوئی فاؤنڈیشن کو اس نیک کام کی بدولت دعاؤں سے نواز رہا ہے۔ اس موقعہ پر BYF صدر شیبان فائز ، نائب صدر احسن شیخ ، جنرل سیکریٹری ابو ریحان خان ، سوشل گروپ صدر سمیر خان ، مسلم کالونی یونٹ صدر حذیفہ شیخ ، دینی گروپ صدر شاہد شیخ ، میڈیکل گروپ صدر دانش شاہ ، سیکریٹری صبور بھائی ، دانش کھاٹک ، فیضان شیخ ، عمر فاروق ، ارباز
بھائی ، وغیرہ حضرات پیش پیش تھے ۔
