بدھ ، 29 مارچ 2023
جلگاؤں (پالدھی) : آج شیخ مشتاق احمد ( ناظم ضلع) ،کی قیادت میں سہیل امیر شیخ ( امیر مقامی) ، محمود خان( نائب صدر ایم، پی ،جے مہاراشٹرا), عارف دیشمکھ ( ضلعی صدر ایم پی جے) پر مشتمل جماعت اسلامی ہند کے ایک وفد نے فساد زدہ قصبہ پالدھی کا دورہ کیا گاؤں کے چند سرکردہ افراد سے ملاقات کی نیز فساد کے متعلق جانکاری حاصل کی ساتھ ہی پولیس اسٹیشن انچارج سے بھی گفتگو کی تفصیلات کے مطابق ناسک شہر کی طرف جلگاؤں سے جا رہی کسی دیوی کی ڈندی یاترا پالدھی گاؤں کی جامعہ مسجد کے سامنے سے گذر کر تیز آواز میں ڈی ،جے بجانے پر فساد پھوٹ پڑا معتدد افراد زخمی ہوئے جن میں پولیس کے افراد بھی ہے جس کے نتیجہ میں اقلیتی طبقے کے قریب 80افراد اور اکثریتی طبقہ کے 15کے قریب افراد گرفتار کیے گئے گاؤں میں خوف اور ہراس کا ماحول ہے بعد میں وفد نے جلگاؤں ضلع کے پالک منتری اور پالدهی گاؤں کے ساکن آمدار گلاب راؤ پاٹل سے ملاقات کی اور اپیل کی کہ بیجا گرفتاریوں کو روکا جاۓ ایک ہی طبقہ کو کارروائی کا نشانہ نہ بنایا جائے رمضان کے مبارک مہینہ کو دیکھتے ہوئے نماز عبادت کے لیے فوراََ حالات کو نارمل کرنےکی ضرورت ہے اور امن شانتی کی فضاء قائم ہو اس کے لیے جماعت ہر ممکن آپ کا تعاون کرینگی اس کا یقین بھی دلایا۔
No comments:
Post a Comment