احمد سر ضلع صدر کی رہنمائی ، اکرم دیشمکھ اور شیبان فائز کی کامیاب محنت کا نتیجہ
16 مارچ 2023
جلگاؤں: آر-ٹی-ای- تعلیم کا حق ایک ایسا قانون ہے جس کے تحت ایک لاکھ سے کم سالانہ آمدنی والے افراد اپنے بچوں کو 6 سال سے 14 سال کی عمر تک شہر کی بڑی بڑی پرائیویٹ کانوینٹ انگلش میڈیم اسکولز جن کی فیس لاکھوں روپیے ہیں وہاں مفت میں پڑھا سکتے ہیں۔ اس کے لیے ہر سال ہدایات ریاستی و قومی حکومت کی طرف سے منظرِ عام پر آتی ہے ۔ مگر بڑا سروے یہ رہا ہے کہ مسلم سماج حکومت کی اس بہترین اسکیم سے فائدہ اٹھانے میں کافی حد تک محروم رہا ہے ۔ اسی کے چلتے 16 مارچ 2023 بروز جمعرات کو ایکتا ہال رضا مسجد کے پاس مہرون جلگاؤں میں مجلسِ اتحاد المسلمین جلگاؤں ضلع صدر احمد سر کی صدارت و رہنمائی ، ساتھ ہی اکرم دیشمکھ ( نگر سیوک جلگاؤں) اور شیبان فائز ( اسٹوڈنٹ ایکٹوسٹ ) کی لگاتار کوششوں کی بدولت ایک کامیاب یک روزہ آر-ٹی-ای- مفت داخلہ کیمپ کا انعقاد عمل میں آیا ۔ اس کیمپ میں 50 سے زیادہ آر-ٹی-ای- فورمز بھرے گئے ۔ شہر جلگاؤں کی عوام الناس کے لیے یہ یک روزہ کیمپ مجلسِ اتحاد المسلمین جلگاؤں کی جانب سے بلکل مفت تھا ۔ عوام میں کیمپ سے متعلق خوب ستائش زورو پر ہے ساتھ ہی شہر جلگاؤں کی عوام کی ڈیمانڈ رہی ہے کہ ایسے کیمپ ہر سال ہونے چاہیے جس کی وجہ سے تعلیمی میدان میں امتِ مسلمہ خوب آگے بڑھے ۔ اس شاندار کیمپ کے موقعہ پر سائبر کیفے پروپرائیٹر نعیم شیخ ، رضوان شیخ ، عبد الشکور دیش پانڈے ، شیخ ناصر پپرالہ ، عاشق پنجاری ، وغیرہ حضرات پیش پیش تھے ۔
No comments:
Post a Comment