بی وائی ایف کی جانب سے یومِ اساتذہ کے موقعہ پر تاج الدین سر فٹ بال ٹورنامنٹ کا شاندار انعقاد

جلگاؤں: BYF برائٹ یوتھ فاؤنڈیشن جلگاؤں کی جانب سے یومِ اساتذہ کے موقعہ پر شاندار تاج الدین سر فٹبال ٹورنامنٹ کا انعقاد کیا گیا۔ تاج الدین سر حال ہی میں ملت اردو ہائی اسکول مہرون جلگاؤں سے اپنی 32 سالہ تدریسی خدمات سے سبکدوش ہوئے ہیں۔ ان 32 سالوں میں سر نے ہزاروں طلبہ و طالبات کو بحیثیت ایک اسپورٹ ٹیچر تعلیم دی۔ برائٹ یوتھ فاؤنڈیشن کے صدر شیبان فائز نے بھی ملت اردو ہائی اسکول مہرون جلگاؤں سے تعلیم حاصل کی ہے اور نامہ نگار سے بات چیت کرتے ہوئے بتایا کہ اسپورٹ کو لے کر ان کی زندگی میں تاج الدین سر کا ایک اہم رول رہا ہے۔ اسی کے چلتے یومِ اساتذہ کے موقعہ پر BYF کی جانب سے ایک شاندار فٹبال ٹورنامنٹ بنام تاج الدین سر کا اہتمام کیا گیا۔ اس ٹورنامنٹ کی خاص بات یہ رہی کہ یہ صرف مسلم بچوں اور مسلم اداروں کے لیے مسلم محلہ میں رکھا گیا تھا۔ تاکہ فٹبال کے میدان میں قوم کے بچوں کو مذید معلومات دستیاب ہوسکے نیز اس میدان میں ان کی دلچسپی بڑھے۔ ٹورنامنٹ کا افتتاح تاج الدین سر کے ہاتھوں عمل میں آیا۔ اس موقع پر مجلسِ اتحاد المسلمین کے ضلع صدر احمد سر ، بی وائی ایف صدر شیبان فائز، نائب صدر اکرم دیشمکھ، عاکف پٹیل اور ریفری حضرات موجود تھے۔ ٹورنامنٹ میں شہر جلگاؤں کی کل 7 اردو میڈیم اسکولوں نے حصہ لیا تھا جس میں ملت اردو ہائی اسکول مہرون جلگاؤں، MAR اینگلو اردو ہائی اسکول جلگاؤں، یونیک اردو ہائی اسکول جلگاؤں، الفیض اردو ہائی اسکول جلگاؤں، اقراء اردو ہائی اسکول سالار نگر جلگاؤں، اقراء شاہین اردو ہائی اسکول مہرون جلگاؤں، علی پبلک اردو اسکول جلگاؤں اور اکیڈمی شامل تھیں۔ پہلا میچ ملت اردو ہائی اسکول مہرون جلگاؤں بمقابلہ یونیک اردو ہائی اسکول ہوا جس میں ملت اردو ہائی اسکول مہرون جلگاؤں نے 0-5 سے شاندار فتح حاصل کی۔دوسرا میچ اینگلو اردو ہائی اسکول جلگاؤں بمقابلہ اکیڈمی ہوا جس میں اینگلو اردو ہائی اسکول نے 1-2 سے شاندار فتح حاصل کی۔ تیسرا میچ علی پبلک اردو اسکول بمقابلہ الفیض اردو ہائی اسکول ہوا جس میں علی پبلک اردو اسکول نے 0-2 سے شاندار فتح حاصل کی۔ چوتھا میچ اقراء شاہین اردو ہائی اسکول بمقابلہ اقراء اردو ہائی اسکول سالار نگر جلگاؤں ہوا جس میں اقراء شاہین اردو ہائی اسکول نے 1-2 سے شاندار فتح حاصل کی۔ اس کے بعد چار ٹیمیں سیمی فائنل میں پہنچی۔ سیمی فائنل کا پہلا میچ ملت اردو ہائی اسکول بمقابلہ علی پبلک اردو اسکول ہوا جس میں ملت اردو ہائی اسکول نے 0-7 سے شاندار فتح حاصل کرکے فائنل میں اپنی جگہ بنالی۔ دوسرا سیمی فائنل اقراء شاہین اردو ہائی اسکول بمقابلہ MAR اینگلو اردو ہائی اسکول ہوا جس میں اقراء شاہین اردو ہائی اسکول نے 0-1 سے شاندار فتح حاصل کی اور فائنل میں اپنی جگہ بنا لی۔ اسی طرح ایک شاندار فائنل میچ ناظرین کو دیکھنے ملا جو ملت اردو ہائی اسکول بمقابلہ اقراء شاہین اردو ہائی اسکول ہوا جس میں اقراء شاہین اردو ہائی اسکول نے 0-2 سے شاندار فتح حاصل کرکے فائنل ٹرافی اپنے نام کرالی اور ملت ہائی اسکول رنر کی پوزیشن پر رہی۔ اسی طرح پورے ٹورنامنٹ میں میں آف دی ٹورنامنٹ کا ایوارڈ بلال وسیم (ملت اردو ہائی اسکول مہرون جلگاؤں) کو دیا گیا۔ فائنل میچ کے فوراً بعد تقسیمِ انعامات کا پروگرام شروع ہوا جس میں صدر شیبان فائز نے مہمانوں کا تعارف و استقبال کیا۔ ساتھ ہی اپنا مکمل تعاون دینے والے ریفری حضرات راہل شیخ، ارباز خان، وسیم شیخ ، شاہد شیخ اور عمار حنیف کا مومینٹو اور گل دے کر استقبال کیا گیا۔ اس موقعہ پر نائب صدر اکرم دیشمکھ نے طلبہ و نوجوانوں کے سامنے BYF کے مقاصد کو واضح کیا اور تنظیم میں شامل ہو کر قوم و ملت کو مضبوط کرنے کی اپیل کی۔ ونر ٹیم کو ایک شاندار ٹرافی، سبھی کو سرٹیفیکیٹس، اور گولڈ میڈل سے نوازا گیا اسی طرح رنر ٹیم کو بھی ایک خوبصورت ٹرافی، سرٹیفیکیٹس اور سلور میڈل سے نوازا گیا۔ اسی کے ساتھ ٹورنامنٹ میں شام سبھی اسکولوں کو پارٹسپیشن مومینٹو اور سبھی بچوں کو سرٹیفیکیٹس اور میڈل سے نوازا گیا۔ محترم تاج الدین سر کی خدمات کا اعتراف کرتے ہوئے انھیں جلگاؤں ضلع اسپورٹ آئیکون ایوارڈ سے نوازا گیا۔ اسی طرح ہر میچ کے میں آف دی میچ کو جلگاؤں ضلع فٹبال ایسوسی ایشن کے صدر منوج سرواڑے اور سیکریٹری فاروق شیخ کی جانب سے ٹی-شرٹ کا تحفہ دیا گیا۔ اس پورے ٹورنامنٹ کو ماسٹر مائنڈ کلاسیس کی جانب سے اسپانسر نیز ڈاکٹر صابر پٹیل، ابیہا الیکٹرانکس شیرا چوک مہرون جلگاؤں، اور دیشمکھ پرنٹ ہب کی جانب سے کو-اسپانسر کیا گیا۔ پروگرام کی صدارت مجلسِ اتحاد المسلمین کے ضلع صدر احمد سر نے کی اور مہمانِ خصوصی کے طور پر جلگاؤں ضلع فٹبال اسوسیئیشن کے صدر منوج سرواڑے، سیکریٹری فاروق شیخ، اقراء ایچ جے تھیم سینیر کالج کے پرنسپل چاند خان سر، اینجینیر مزمل شیخ ( فنکس سولار جلگاؤں) ، ابو طلحہ شیخ ، ڈاکٹر صابر پٹیل، عارف دیشمکھ، انور سکلگر، اقبال مرزا سر،وسیم باپو، ڈاکٹر فاروق ، شفقت سر، شکور دیشپانڈے، آصف مرزا سر، شہباز سر، ناویز سر، کاشف سر ، منظور سر، برکت سر، قاسم عمر، مظفر سر، توفیق سر، مختار سر وغیرہ حضرات موجود تھے۔ اس ٹورنامنٹ میں صبح 10 بجے سے لےکر شام 6 بجے تک ناظرین کا ایک جم غفیر موجود رہا جنھوں نے کھلاڑیوں کی جم کر حوصلہ افزائی کی۔ ٹورنامنٹ کو کامیاب بنانے میں BYF صدر شیبان فائز ، نائب صدر اکرم دیشمکھ ، سیکریٹری عمر فاروق، مسلم کالونی یونٹ سیکرٹری دانش کھاٹک ، عاکف پٹیل، شعیب منیار، سمیر منا شیخ، عبدالرحمن، زید شیخ، عاطف شیخ، صفیان شیخ، وغیرہ حضرات پیش پیش تھے۔